ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ក្រសួងពាណិជ្ជកម្មស្នើសភាអាមេរិកបន្តផ្តល់ប្រព័ន្ធអនុគ្រោះពន្ធដល់កម្ពុជា

  • ចុះផ្សាយថ្ងៃទី០៣ ខែសីហា ឆ្នាំ២០២៣ ម៉ោង ១៦:០៣ នាទី ដោយ Sao SokEng
  • 1480
  Aa |   aA

ភ្នំពេញ៖ រដ្ឋមន្ត្រីក្រសួងពាណិជ្ជកម្ម លោក ប៉ាន សូរស័ក្ដិ បានស្នើទៅសភាអាមេរិកបន្តផ្តល់ប្រព័ន្ធអនុគ្រោះពន្ធ (GSP) ឡើងវិញដល់កម្ពុជាសម្រាប់ការនាំចូលសម្លៀកបំពាក់ ស្បែកជើង និងទំនិញធ្វើដំណើរ ទៅទីផ្សារប្រទេសសហរដ្ឋអាមេរិកដោយមិនជាប់ពន្ធ។

លោករដ្ឋមន្ត្រីក្រសួងពាណិជ្ជកម្មបានស្នើបែបនេះនៅក្នុងជំនួបជាមួយ គណៈប្រតិភូនៃសភាអាមេរិកដែលដឹកនាំដោយលោក Jason Smith ប្រធានគណៈកម្មាធិការស្តីពីរបៀប និងមធ្យោបាយនៃសភាអាមេរិក (United States House Committee on Ways and Means) អមវត្តមានដោយអគ្គរដ្ឋទូតអាមេរិកប្រចាំនៅកម្ពុជា លោក W. Patrick Murphy ផងដែរនារសៀលថ្ងៃទី២ ខែសីហា ឆ្នាំ២០២៣។

លោក ប៉ាន សូរស័ក្ដិ មានបំណងស្នើសុំឱ្យសភាអាមេរិកបន្តផ្តល់ឡើងវិញនូវប្រព័ន្ធ GSP មកប្រទេសកម្ពុជា ពីព្រោះលោកយល់ឃើញថាតាមរយៈប្រព័ន្ធ GSP នេះ នឹងពង្រឹងកិច្ចសហប្រតិបត្តិការពាណិជ្ជកម្មរវាងប្រទេសទាំងពីរ ដោយផ្ដល់ផលចំណេញឱ្យគ្នាទៅវិញទៅមក។

លើសពីនេះ លោក ប៉ាន សូរស័ក្ដិ ក៏បានអំពាវនាវតាមរយៈសភាអាមេរិកជំរុញឱ្យក្រុមហ៊ុនអាមេរិកមកបណ្ដាក់ទុនវិនិយោគនៅកម្ពុជាឱ្យច្រើនបន្ថែមទៀត ដើម្បីកាត់បន្ថយឱនភាពពាណិជ្ជកម្មរវាងប្រទេសទាំងពីរ ក៏ដូចជាដើម្បីទាញយកផលចំណេញពីគ្នាទៅវិញទៅមក។

យោងតាមរបាយការណ៍ពីការិយាល័យជំរឿនសហរដ្ឋអាមេរិក ការនាំចេញរបស់កម្ពុជាទៅកាន់សហរដ្ឋអាមេរិកមានតម្លៃ ១២,២ពាន់លានដុល្លារក្នុងឆ្នាំ២០២២ កើនឡើង ៤០ភាគរយ។ ហើយការនាំចេញរបស់សហរដ្ឋអាមេរិកមកកម្ពុជាមានតម្លៃ ៤៤៩លានដុល្លារ។

យោងតាមរបាយការណ៍របស់ស្ថានទូតអាមេរិកប្រចាំកម្ពុជា ប្រទេសអាមេរិកគឺជាទីផ្សារនាំចេញទំនិញដ៏ធំរបស់កម្ពុជា និងជាដៃគូពាណិជ្ជកម្មដ៏ធំបំផុតមួយរបស់កម្ពុជា។ ទំនិញប្រមាណ ៤០ភាគរយរបស់កម្ពុជាបាននាំចេញទៅទីផ្សារអាមេរិកក្នុងឆ្នាំ២០២២។ ទំនិញដែលកម្ពុជានាំចូលទៅអាមេរិកមានដូចជា សម្លៀកបំពាក់ វាយនភ័ណ្ឌ ស្បែកជើង និងទំនិញធ្វើដំណើរ៕


ព័ត៌មានជាច្រើនទៀតសម្រាប់អ្នក